“ჩვენ ვთვლით, რომ პაციენტი უნდა იმყოფებოდეს სტაციონარის პირობებში” – ზურაბ ჩხაიძე მიხეილ სააკაშვილთან დაკავშირებით

საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით კომენტარს აკეთებს სამედიცინო ცენტრ ,,ვივა მედის” კლინიკური დირექტორი, ზურაბ ჩხაიძე:

,,ამ ეტაპზე, ჩვენ ვთვლით, რომ პაციენტი უნდა იმყოფებოდეს სტაციონარის პირობებში. ანუ, მისი მდგომარეობა სრულად შეესაბამება იმ კრიტერიუმებს, რომელიც საჭირო არის ჰოსპიტალიზაციის პირობებში პაციენტის ყოფნისთვის.

საყურადღებო რჩება სხვადასხვა მომენტები, კერძოდ, ლაბორატორიული კვლევის შედეგები. თუნდაც, მისი ხშირ შემთხვევაში სუბიექტური მდგომარეობა. აი, მაგალითად, რამდენიმე დღის წინ, მას აღენიშნებოდა სხეულის ზოგადი ტემპერატურის მატებაც, ზოგადი სისუსტე, აქვს სუბიექტური ჩივილები.

გარემო, რაზეც არის საუბარი, ეს არის პენიტენციური დაწესებულების პრეროგატივა, ეს არანაირად არ არის კლინიკის კომპეტენცია“, – განაცხადა ზურაბ ჩხაიძემ.

ავტორი
ნინი ხიჯაკაძე