,,ქართული ოცნების” საპარლამენტო დელეგაცია ჩინეთში ვიზიტით იმყოფება. თემასთან დაკავშირებით პირველი კომენტარი გააკეთა მმართველი პარტიის თავმჯდომარემ, ირაკლი კობახიძემ:
,,ძალიან საინტერესოა, რა თქმა უნდა, საუბარი თანამშრომლობის გაღრმავებაზე. შარშანდელი წელი იყო ისტორიული, ჩინეთსა და საქართველოს შორის ურთიერთობების გაღრმავების თვალსაზრისით.
სხვადასხვა თვალსაზრისით, ჩვენი თანამშრომლობა ჩინეთთან არის უკიდურესად მნიშვნელოვანი. ჩვენთვის მნიშვნელოვანია პოლიტიკური, ეკონომიკური თანამშრომლობა ჩინეთთან.
ამ თანამშრომლობას შეუძლია ძალიან კონკრეტული, ხელშესახები შედეგების მოტანა ჩვენი ქვეყნისა და მოსახლეობისთვის.
რაც შეეხება ოპოზიციის სპეკულაციებს, ამაზე განსაკუთრებული კომენტარის გაკეთება არ ღირს“, – განაცხადა ირაკლი კობახიძემ.
ავტორი
ნინი ხიჯაკაძე
კომენტარები - დატოვეთ თქვენი მოსაზრება
