ხელისუფლებავ, გირჩევთ მოქმედი პრეზიდენტის, ზურაბიშვილის ანტისახელმწიფოებრივ გამოსვლებს მიხედოთ, საქართველოს გასანადგურებლად რომ დასვით! – თაკო ჩარკვიანი

239

მიხეილ სააკაშვილის მიერ ტელეკომპანია “მთავარის” ეთერში, 20 ივნისის მოვლენებთან მიმართებაში, გაჟღერებულ მოსაზრებას, რომ “წკიპზე იყო 20 ივნისს ივანიშვილის ხელისუფლება, ცოტაც და ეს რეჟიმი დაემხობოდა”, დანაშაულის შემცველი განცხადების სტატუსი მიანიჭა ხელისუფლების წარმომადგენლებმა, რასთან დაკავშირებითაც, სოციალური ქსელის მეშვეობით, თავის პოზიციას აფიქსირებს პარტია “კანონი და სამართლის” თავმჯდომარე თაკო ჩარკვიანი:

“ვერანაირად ვერ “მონათლავენ” სააკაშვილის გუშინდელ გამოსვლას ე.წ. (როგორც ვოლსკიმ თქვა) “აღიარებით ჩვენებად” – მხილებად 20 ივნისის მოვლენებისა, რადგან ყველამ უნდა იცოდეს ხელისუფლებაში და კარგად უნდა დაიმახსოვრონ, რომ მსგავსი ქმედება – ოკუპანტი ქვეყნის, მოქმედი კომუნისტური პარტიის წევრის – გავრილოვის, საკანონმდებლო ორგანოში შემოყვანის სახით ან კიდევ მაგვარი ანტისახელმწიფოებრივი მოქმედებები ხელისუფლების მხრიდან, აღქმულია, ხალხის მიერ, როგორც საქართველოს დამოუკიდებლობაზე დარტყმა და ღირსების შელახვა და არაფერ შუაში აქ, არც ერთი პიროვნება არ არის, არც სააკაშვილი კარნახობს ხალხს, როგორ დაიცვან დამოუკიდებელი სახელმწიფო, (დიდი ხანია ეს ხალხმა იცის) კოლაბორაციონალისტი ხელისუფლებისგან, რომელმაც გაბედა და ხალხს შეურაცხყოფა მიაყენა, ოკუპანტის საკანონმდებლო ორგანოში შემოყვანით, მომავალშიც იცოდეთ ხელისუფლებაში!!!

და კარგად დაიმახსოვრეთ, რომ მსგავს ანტისახელმწიფოებრივ ქმედებას, კვლავ ჯანყი მოჰყვება, ეს ჩვენი კონსტიტუციური უფლებაა!

ბავშვობაში მასწავლეს ჯერ კიდევ 1972 წელს, რომ: “ტყვია მიზანში მოსახვედრია, თავისუფლება ისე არ მოდის, თავისუფლება ლომთა ხვედრია” – და ეს მიშამ არ მიკარნახა, მამაჩემმა მასწავლა!✌️❤️

P.S. ხელისუფლებავ, თქვენ გირჩევთ სააკაშვილის კი არა, არამედ მოქმედი პ—რეზიდენტი ზურაბიშვილის ანტისახელმწიფოებრივ გამოსვლებს მიხედოთ, საქართველოს გასანადგურებლად რომ დასვით!

რაც შეეხება ქვეყნის სიყვარულს, ამის “კარნახი”, არ შეიძლება, სახელმწიფოებრიობას დაცვა, რომ უნდა, ამას ვერავინ გიკარნახებს!

ეს თქვენ ხართ ხელისუფლებაში მიჩვეულნი “მილიარდელ სუფლიორს”, რომელიც ყველაფერს გკარნახობთ, ქვეყნის სახელმწიფოებრიობის პატივისცემის გარდა!” – აცხადებს თაკო ჩარკვიანი.

კომენტარები