პარლამენტის ფრაქცია ,,ქართული ოცნების” თავმჯდომარის მოადგილე, რატი იონათამიშვილი ჟურნალისტებთან მწვავე კომენტარს აკეთებს ოპოზიციასთან მიმართებაში:
,,ოპოზიცია დღეს ნამდვილად არის განადგურებული. ეს ერთი მხრივ არის სამწუხარო, ვინაიდან ქვეყანას მაინც სჭირდება, რომ ჰყავდეს დემოკრატიული ოპოზიცია. მეორე მხრივ, არის დამსახურებული, ვინაიდან ამ რადიკალურმა ოპოზიციამ თვითონ აირჩია, რომ ყოფილიყო არა ოპოზიცია პოლიტიკურ სივრცეში, არამედ ქვეყნის მტერი, საკუთარი სამშობლოს მტერი…
შესაბამისად, ეს არის დამსახურებული, რომ დღეს ისინი, ფაქტობრივად, აღარ შეინიშნებიან პოლიტიკურ ველზე. ცხადია, ეს კოლექტიური ,,ნაციონალური მოძრაობა” თავის ამომრჩეველსაც კი ძალიან სწრაფი ტემპით კარგავს. ფაქტი არის, რომ ის შეიძლება ვერც მივიდეს უკვე არჩევნებზე საერთოდ. შესაბამისად, ცხადი არის, რომ ამ არჩევნებზე სამართლიანობა კიდევ ერთხელ გაიმარჯვებს ჩვენს ქვეყანაში და ჩვენი ქვეყანა განვითარების ახალ ეტაპზე გადავა“, – განაცხადა რატი იონათამიშვილმა.
ავტორი
ნინი ხიჯაკაძე
