“ბიძინა ივანიშვილმა აღიარა “ქართული ოცნების”’ ხელისუფლების შეუზღუდავი და უკონტროლო ძალაუფლების პრობლემა” – ბექა ლილუაშვილი

საპარლამენტო პოლიტიკური ჯგუფის ,,საქართველოსთვის’’ თავმჯდომარე, ბექა ლილუაშვილი ჟურნალისტებთან კომენტარს აკეთებს ბიძინა ივანიშვილის პოლიტიკაში დაბრუნებასთან დაკავშირებით და პარტიის ინიციატივას ახმოვანებს ხელისუფლებაში ბალანსის აუცილებლობაზე:

,,დაბრუნდეს, მანამდე არსებული წესი და საქართველოს მომავალი პრეზიდენტი, საარჩევნო კოლეგიის ნაცვლად, კვლავ პირდაპირი წესით საქართველოს მოქალაქეებმა აირჩიონ. ეს უზრუნველყოფს პრეზიდენტის საჭირო ლეგიტიმაციასა და დამოუკიდებლობას.

ხელისუფლებაში ბალანსის პრობლემაზე ისაუბრა, ბიძინა ივანიშვილმაც, რომელმაც აღიარა ,,ქართული ოცნების’’ ხელისუფლების შეუზღუდავი და უკონტროლო ძალაუფლების პრობლემა. მაგრამ, პრობლემის კონსტიტუციურად მოგვარების ნაცვლად, საკუთარი თავი შემოგვთავაზა ხელისუფლების მაკონტროლებლის როლში, სხვათაშორის უკვე მესამედ’’, – განაცხადა ბექა ლილუაშვილმა.

ავტორი
მარიამ ხაჩირაშვილი