სპეციალური საგამოძიებო სამსახური განცხადებას ავრცელებს ტელეკომპანია “ტვ პირველის“ თანამშრომლებისთვის პროფესიულ საქმიანობაში უკანონოდ ხელისშეშლის ფაქტთან დაკავშირებით:
“სპეციალურმა საგამოძიებო სამსახურმა, 2024 წლის 6 იანვარს, მედიასაშუალებით გავრცელებული სიუჟეტის საფუძველზე, ტელეკომპანია “ტვ პირველის“ თანამშრომლებისთვის პროფესიულ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის პირველი ნაწილით გათვალისწინებული დანაშაულის ნიშნებით გამოძიება დაიწყო.
სპეციალური საგამოძიებო სამსახური, ობიექტური გამოძიების უზრუნველსაყოფად და ჟურნალისტების უფლებების დასაცავად ჩაატარებს ყველა საჭირო საგამოძიებო მოქმედებას,” – ნათქვამია გავრცელებულ განცხადებაში.
ინფორმაციისთვის: ტელეკომპანიის მიერ გავრცელებული ინფორმაციის თანახმად, თბილისისთვის განკუთვნილი ახალი 18-მეტრიანი ავტობუსებისთვის შესაბამისი ავტოსადგომის არარსებობის გამო, მათი კერძო ავტოსადგომზე გაჩერების ფაქტზე რეპორტაჟის მომზადების დროს ჟურნალისტებს კონკრეტულმა პირებმა ხელი უკანონოდ შეუშალეს.
