საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს ,,ქართული ოცნების” დამფუძნებლისა და ამჟამად საპატიო თავმჯდომარის, ბიძინა ივანიშვილის როლზე 2024 წლის საპარლამენტო არჩევნების პერიოდში:
,,ბიძინა ივანიშვილს აქვს განსაკუთრებული მაკონსოლიდირებელი როლი როგორც ,,ქართული ოცნების” გუნდისთვის, ასევე მთლიანად საზოგადოებისთვის. ვფიქრობ, ეს იქნება განსაკუთრებული როლი მისი პოლიტიკაში.
ჩვენ 2024 წელი რეგიონსა და მსოფლიოში მიმდინარე მოვლენებიდან, მათ შორის, სხვადასხვა ქვეყანაში დანიშნული არჩევნებიდან გამომდინარე, ჩანს, რომ იქნება ძალიან ტურბულენტური, საფრთხეებით და რისკებით სავსე. ამიტომ ახლა მნიშვნელოვანი არის, რომ საზოგადოება იყოს სრულად კონსოლიდირებული.
ჩვენ ვხედავთ, რომ ბოლო წელიწადნახევრის განმავლობაში, მას შემდეგ, რაც დაიწყო რუსეთის აგრესიული ომი უკრაინის წინააღმდეგ, ქვეყნის შიგნით ჩვენ გამოგვიჩნდა ბევრი პოლიტიკური ჯგუფი, რომელიც ცდილობდა, რომ ციხე შიგნიდან გაეტეხა. ყველანაირად რღვევა გამოიწვია სახელმწიფოსი. ძირს უთხრიან სახელმწიფო ინსტიტუტებსა და საქართველოს რეპუტაციას. ჩემი აზრით, ეს გაძლიერდება.
ამიტომ მნიშვნელოვანია, რა თქმა უნდა, ბიძინა ივანიშვილის როლი, როგორც მაკონსოლიდირებელი ფიგურა საზოგადოებისთვის, ვინაიდან საზოგადოება უნდა შეიკრას ერთ მუშტად. ეს წელი ჩვენ უნდა გავიაროთ მშვიდად“, – განაცხადა შალვა პაპუაშვილმა.
ავტორი
ნინი ხიჯაკაძე
