“კითხვის ნიშანი არც დაუტოვებია ბიძინა ივანიშვილს, როდესაც ის დაბრუნდა პოლიტიკაში, როცა ეს ყველაფერი ახსნა” – მიხეილ სარჯველაძე

ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს ბიძინა ივანიშვილის პოლიტიკაში დაბრუნებასთან დაკავშირებით:

,,კითხვის ნიშანი არც დაუტოვებია ბიძინა ივანიშვილს, როდესაც ის დაბრუნდა პოლიტიკაში, როცა ეს ყველაფერი ახსნა. პირველ რიგში, ჩვენს გუნდს ვულოცავ ამ ამბავს და რა თქმა უნდა ვფიქრობ, რომ ეს მთელი ქვეყნის ინტერესებისთვისაც იქნება მხოლოდ და მხოლოდ სასარგებლო ამბავი.

რაც შეეხება, სანქციების შიშით ახსნა ოპოზიციონერების მხრიდან, ეს ვფიქრობ, რომ ნონსენსია, თავისი არსით და მცირედი კრიტიკულობაც საკმარისია, უბრალოდ, რომ ყველასთვის ნათელი გახდეს, რომ ეს არის აბსურდული მსჯელობა.

მეორეს მხრივ, რაც შეეხება საუბარს, იგივე კორუფციის რისკებთან დაკავშირებით და ა.შ, ყველა ეს შესაძლო სირთულეები, რომლის წინაშეც შეიძლება აღმოჩნდეს, ჭარბი ძალაუფლების არსებობის შემთხვევაში, სახელისუფლებო პარტია, ყველაფერი ამის დასაზღვევად, ვფიქრობ, რომ აბსოლუტურად ლეგიტიმურია, ეს გადაწყვეტილება და ამავდროულად, მისასალმებელიც’’, – გადაცხადა მიხეილ სარჯველაძემ.

ავტორი
მარიამ ხაჩირაშვილი