,,მე მესმის ხელმოცარულების ტრაური. ისედაც 10:0-ს ვუგებდით და ახლა მით უმეტეს, არ ვიცი აზრი აქვს თუ არა არჩევნებს , – ასე ეხმიანება ,,ქართული ოცნების” დამფუძნებლისა და პარტიის საპატიო თავმჯდომარის, ბიძინა ივანიშვილის პოლიტიკაში დაბრუნებას პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუა ჟურნალისტებთან კომენტარში და განმარტებებს აკეთებს, თუ რატომ დაბრუნდა პარტიის ლიდერი:
,,მათ შორის, კორუფციის მიმართულებით, სხვა მიმართულებით – ადამიანის უფლებების შელახვა, რაღაც ეს ცდუნებისკენ რომ არ იყოს. იმიტომ, რომ სადაც ოპოზიცია არ გყავს, განულებულია, სადაც კრიტიკული მედია ოპომედია არის და მეტი არაფერი, ბუნებრივია, აქ შეიძლება იყოს პრობლემატური.
ჩვენ შევძელით, რომ 2023 წელი საქართველოსთვის ყოფილიყო მნიშვნელოვანი ევროინტეგრაციის გზაზე და მშვიდობის შენარჩუნების მხრივ”, – განაცხადა ირაკლი ზარქუამ.
ავტორი
ნინი ხიჯაკაძე
