საქართველოს პირველი პრეზიდენტის, ზვიად გამსახურდიას გარდაცვალებიდან 30 წელი გავიდა. აღნიშნულ ფაქტთან დაკავშირებით Facebook-ის პირად გვერდზე ემოციურ პოსტს აქვეყნებს საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია:
,,30 წელი გავიდა…
1993 წლის 31 დეკემბერს ხიბულაში მომხდარი ტრაგედია, ზვიად გამსახურდიას ტყვიით განგმირვა, ეს დიდ სევდად და მწუხარებად დარჩება ქართველ ერს.
ახალი წლის წინა ფიქრებში სამშობლოს ბედთან ერთად აუცილებლად წამოვა ზვიად გამსახურდიას სახება თითოეული ქართველის გონებაში…
ეს კიდევ ერთი დასტურია ქართველი ხალხის ბედისა: ჯვარცმის და აღდგომის, რომელიც სრულიად გაიზიარა და თვითონაც ეს გზა გაიარა: ეკლიანი და მძიმე!
ისე, როგორც წიწამურის, ასევე, ხიბულას ტრაგედია ჩვენი ავბედითი ისტორიის უმძიმესი ფურცლებია… თუმცა, დრომ გვიჩვენა, მტრის ტყვია ვერ მოერევა ბუმბერაზი ადამიანების სახელს… ჟამთა სვლა მხოლოდ აამაღლებს ილიას და ზვიადს…
Საქართველო უკვდავია და უკვდავია მისთვის თავდადებულ ადამიანთა სახელები…“, – წერს ბეჟან ჯავახია.
ავტორი
ნინი ხიჯაკაძე
