,,მთავარი არხის” დამფუძნებელი, ნიკა გვარამია ,,მთავარი არხის ” გადაცემაში ,,ღამის მთავარი” ინტერვიუს დროს საუბრობს მის პოლიტიკურ გეგმებსა და ,,ერთიან ნაციონალურ მოძრაობასთან” თანამშრომლობის საკითხებზე:
[წამყვანის შეკითხვა]: მიხეილ სააკაშვილთან თუ გქონდათ კომუნიკაცია და ახლა რა ეტაპზეა თქვენი ურთიერთობა?
,,ცხადია, კომუნიკაცია მქონდა. ჩვენ არ ვსაუბრობდით იმაზე, მე უნდა მივიდე თუ არ უნდა მივიდე ,,ნაციონალურ მოძრაობაში”. არა, თავისთავად ცხადია. ამისთვის მე სააკაშვილთან ციხეში არ შევდიოდი, ნამდვილად. აბსოლუტურად სხვა თემები მქონდა სასაუბრო. ,,ნაციონალურ მოძრაობაში” მე არ მივდივარ. ,,ნაციონალური მოძრაობა” ჩემთან მოდის/არმოდის-თქო რომ ვთქვა, სასაცილო იქნება.
თანამშრომლობა ამის შემდეგ როგორ იქნება და ა.შ. ამაზე ვილაპარაკოთ მერე, როცა ეს საკითხი რელევანტური იქნება.
ყველამ უნდა გავაკეთოთ ის, რასაც ვთვლით საჭიროდ. ერთმანეთს ხელი არ შევუშალოთ. კიდევ ერთხელ ვამბობ, ერთმანეთის ხარჯზე ეს არ უნდა ხდებოდეს. მე არ ვაპირებ ამის კეთებას არავის ხარჯზე. დარწმუნებული ვარ, რომ არც ის ადამიანები, რომლებიც ჩემთან ერთად იქნებიან და მე ვიქნები მათთან ერთად. ჩვენ ეს უნდა გავაკეთოთ ჩვენი ძალ-ღონით, უნარებით, კომპეტენციით და გამბედაობით. ეს არის ის, რითიც იწყება სიახლეები.
სიახლეები არ იწყება ძველის ექსპლუატაციით. სიახლეს ვერ დაამყნობ ძველზე. მე რომ მომწონდეს ძველი, ვიქნებოდი იქ, სადაც არის ძველი. მე მინდა ახალი. ძველზე დამყნობილი ახალი არ არის. აქედან არაფერი არ გამოვა…“, – განაცხადა ნიკა გვარამიამ.
ავტორი
ნინი ხიჯაკაძე
