საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი ,,მრგვალი მაგიდა – თავისუფალი საქართველოს” წევრი, რევაზ კემულარია სოციალურ ქსელში ემოციურ შეფასებებს აკეთებს და საქართველოს უახლეს ისტორიაში პარალელს ავლებს დღევანდელ პოლიტიკურ ვითარებასთან მიმართებაში:
,,ვფიქრობ, ბევრი ადამიანი მიხვდა ახლა, თუ რა ჯოჯოხეთი გამოვიარეთ 90-წლებში კანონიერი ხელისუფლების წევრებმა და მომხრეებმა.
ავტომატებს გვიშენდნენ აქციებზე და უკან არ ვიხევდით… გვიჭერდნენ, გვაპატიმრებდნენ, მაგრამ იდეას არ ვღალატობდით… გვდევნიდნენ, მაგრამ სამშობლოსთვის არ გვიღალატია… გვემუქრებოდნენ, მაგრამ არ შევშინებულვართ… ჩვენს დასამარცხებლად პუჩისტებმა რუსეთის ჯარიც გამოიყენეს, დავმარცხდით, მაგრამ არ დავცემულვართ… ღირსება არ გაგვიყიდია და თავისუფლებისთვის ბრძოლა არ შეგვიწყვეტია…
ბრძოლას ყოველთვის აქვს აზრი, მაშინაც კი, როცა გგონია, რომ მორჩა ყველაფერი…“, – წერს რევაზ კემულარია.
ავტორი
ნინი ხიჯაკაძე
