საქართველოს მთავრობის ინფორმაციით და პრემიერ-მინისტრ ირაკლი ღარიბაშვილის ყოველწლიური ანგარიშის შესაბამისად: “ბოლო 11 წელში ქვეყნის ეკონომიკა გასამმაგდა, ხოლო ბოლო სამ წელში 30 მილიარდი ლარით გაიზარდა. 2012 წელს მშპ იყო 27 მილიარდი ლარი. 2023 წელს მთლიანი შიდა პროდუქტი 80 მილიარდს, ხოლო 2024 წელს 86 მილიარდს შეადგენს. 2023 წელს მთლიანი შიდა პროდუქტი ერთ სულ მოსახლეზე 8100 აშშ დოლარს, ხოლო 2024 წლისთვის 8500 დოლარს გადააჭარბებს. 2012 წელს ბიუჯეტის მოცულობა იყო 8 მილიარდ 465 მილიონი ლარი, 2024 წელს კი 28 მილიარდ 700 მილიონი ლარი იქნება.
მსოფლიო ბანკის კლასიფიკაციით საქართველო გადავიდა საშუალოზე მაღალი შემოსავლის ქვეყნებს შორის. პროგნოზების თანახმად, უკვე 2028-2030 წლებში საქართველო დაუახლოვდება ცენტრალური და აღმოსავლეთ ევროპის ქვეყნების მედიანურ სტანდარტს, ანუ ერთ სულ მოსახლეზე შემოსავლების იმ დონეს (მსყიდველუნარიანობის გათვალისწინებით), რაც დაახლოებით საშუალოდ დღეს ცენტრალური და აღმოსავლეთ ევროპის ქვეყნებს აქვთ“.