14-15 დეკემბერს გაჟღერდება საბოლოო გადაწყვეტილება ევროკავშირის გაფართოების თაობაზე. თემასთან დაკავშირებით, თუ როგორი მოლოდინებია ქვეყნისათვის კანდიდატის სტატუსის მინიჭებაზე, კომენტარს აკეთებს ბრიუსელში მყოფი პარტია ,,ლელოს” ლიდერი, მამუკა ხაზარაძე:
,,ჩვენი ამოცანა და მიზანია, რომ ადამიანებს გადავცეთ ქართველი ხალხის ნება, კიდევ ერთხელ, ვუთხრათ, რომ ჩვენ ვაფასებთ მათ მოღვაწეობას და მხარდაჭერას. ამ პროცესს გავაგრძელებთ იმიტომ, რომ საქართველოს ხელისუფლება, ,,ქართული ოცნება”, რომელიც რუსულ ინტერესს ატარებს ჩვენ ქვეყანაში, მთელი ამ ხნის განმავლობაში, აგრძელებდა და აგრძელებს ამ ადამიანების დემონიზირებას და მათ, ასე ვთქვათ – პირდაპირ შეურაცხყოფას.
ევროპარლამენტარები და საერთოდ ყველა პოლიტიკოსი, ვისაც ჩვენ ვხვდებით ელოდებიან, რომ ძლიერი ცენტრი შეიქმნას საქართველოში, ძლიერი ალტერნატივა, რომელიც საქართველოში ორპოლუსიანობას დაასრულებს. რა თქმა უნდა, ჩვენი პოზიცია, სრულად ემთხვევა მათ პოზიციას – უნდა მოხდეს კონსოლიდაცია – ე.წ. “შუას შეკრება,, უნდა მოხდეს“, – განაცხადა მამუკა ხაზარაძემ.
ავტორი
ნინი ხიჯაკაძე
