“ჩვენ ვართ ტყუილის ჭაობში და შესაბამისად, ეს კვლევებშიც აისახება” – მამუკა ხაზარაძე NDI-ის კვლევებზე

პარტია ,,ლელო საქართველოსთვის” ლიდერი, მამუკა ხაზარაძე ჟურნალისტებთან კომენტარს აკეთებს NDI-ის კვლევასთან დაკავშირებით:

,,ეს არის ის მწარე რეალობა, რომელიც 30 წლის ქართულმა პოლიტიკამ და პოლიტიკოსებმა შექმნეს. პირველ რიგში, ეს არის ტყუილი, რომლითაც გაჯერებულია ჩვენი საზოგადოება, სადაც ძალიან დიდ როლს სხვადახვა დროისა და პარტიის პოლიტიკოსები ასრულებენ.

ჩვენი პირველი ამოცანა უნდა იყოს, რომ ადამიანებს მხოლოდ და მხოლოდ სიმართლე ვესაუბროთ. ეს არის ერთადერთი გამოსავალი იმისათვის, რომ ამ ჭაობიდან გამოვიდეთ. ჩვენ ვართ ტყუილის ჭაობში და შესაბამისად, ეს კვლევებშიც აისახება“, – განაცხადა მამუკა ხაზარაძემ.

ინფორმაციისთვის: NDI-ს კვლევის მიხედვით, შეკითხვაზე – საქართველოში მრავალი პოლიტიკური პარტია არსებობს, რომელი პარტია დგას თქვენს შეხედულებასთან ყველაზე ახლოს? გამოკითხულთა 47%-მა დააფიქსირა – ,,არცერთი პარტია”.

ავტორი
მარიამ ხაჩირაშვილი