აგრარულ საკითხთა კომიტეტის თავმჯდომარე, ნინო წილოსანი კომენტარს აკეთებს თბილისში გამართულ მარშთან დაკავშირებით – “ჩვენი ხმა ევროკავშირს“:
“ოპოზიციური სპექტრში, სალომე ზურაბიშვილთან ერთად, მას მერე, რაც თვალყურს ადევნებენ, რომ საქართველოს მიმართ პოზიტიური გადაწყვეტილება იქნება მიღებული, ისინი რადიკალურად ცვლიან თავის პოლიტიკას და ხალხის დასანახად და თვალთმაქცურად უჭერენ მხარს და ლობირებენ ქვეყნის ევროკავშირში გაწევრიანების პროცესს.
ჩვენ გვახსენდება მათი რეალური ნაბიჯები, როდესაც ისინი დადიოდნენ სხვადასხვა ევროსტრუქტურებში და როგორც ქვეყნის შიგნით, ასევე ქვეყნის გარეთ არ ერიდებოდნენ განცხადებებს, რომ საქართველო არ იმსახურებს კანდიდატის სტატუსს.
ამ ყველაფრის ფონზე, ვინმესთვის თუ არის დამაჯერებელი დროშების ფრიალი და მჯიღების გულზე ცემა, მე ვფიქრობ, რომ ეს ადამიანები საერთოდ მოწყვეტილები არიან რეალობას“, – აცხადებს ნინო წილოსანი.