საპარლამენტო პოლიტიკური ჯგუფის ,,ევროოპტიმისტების“ წევრი, ხატია დეკანოიძე კომენტარს აკეთებს იურიდიული პირებისთვის პოლიტიკური პარტიების დაფინანსების ნაწილში შეზღუდვების დაწესებასთან დაკავშირებით და კონკრეტულ მინიშნებებს აკეთებს ოთარ ფარცხალაძის როლზე:
,,ეს ვერ ჩაითვლება ვენეციის კომისიის რეკომენდაციის გაზიარებად და შესრულებად. იმიტომ, რომ ვენეციის კომისიას ძალიან მყარი არგუმენტირებული მოსაზრება ჰქონდა, მათ შორის, როდესაც საუბრობდა იმაზე, რომ პარტიების დაფინანსება და განსაკუთრებით, აქ სახელისუფლებო პარტიაზეა საუბარი, უნდა იყოს თავიდან ბოლომდე გამჭვირვალე.
მაგალითად, ფარცხალაძე, რომელიც იყო და არის სანქციების ქვეშ, მის წინააღმდეგ არ დაიწყო გამოძიება. რატომ? – იმიტომ, რომ ფარცხალაძე იყო მთლიანად ,,ქართული ოცნების“ ,,შავი სალაროს გამგებელი“.
ნებისმიერი ფასადური რეფორმა პირიქით, გაცილებით უფრო უარყოფითად იმოქმედებს, ზუსტად იგივე – ევროდათქმების შესრულებაზე“, – განაცხადა ხატია დეკანოიძემ.
ავტორი
ნინი ხიჯაკაძე
