ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია მოსახლეობასთან შეხვედრის დროს მწვავედ აკრიტიკებს ,,ქართული ოცნების” მმართველობას 2012 წლიდან დღემდე. მისივე განმარტებით, მალე დაისმევა შეკითხვები, რომლებსაც ყველამ პასუხი უნდა გასცეს:
,,საქართველო პატარა ქვეყანაა და არ შეიძლება 1, 2, 3, 5, 10, 12 წელი – ცვდება ეს ყველაფერი რა… ეს ხალხი მერე ამ თანამდებობასაც, ფულის მოპარვასაც, დაუსჯელობასაც ეჩვევა. ერთ მშვენიერ დღეს იმდენს მოიპარავს, რომ ეშინია. ის აქვს დასაცავი. ყველანაირი ჩხუბის გარეშე, ესენი კი არ უნდა გაქრნენ, უნდა იყვნენ. ბევრი, რაც გაუფუჭებიათ, იმაზე პასუხი უნდა აგონ.
რომ გამოდიან ,,გახარიამ კითხვებს პასუხები გასცესო“… კითხვები აწი იქნება, კაცო – ვის რამდენი აქვს წაღებული, მოპარული, გაფუჭებული.
გამოდიან ხოლმე და ამბობენ, რომ ,,ქვეყანაში ეკონომიკა იზრდება”. მართლა იზრდება. ახლა, რის ხარჯზე იზრდება, მაგას არ აქვს მნიშვნელობა, მართლა იზრდება. ეს გაზრდილი ეკონომიკა 20-25 ოჯახის ჯიბეში მიდის. სულ ზეპირად ვიცი, ვისი! ზუსტად ვიცი, ვისია ეს, რაც იზრდება. ეს ყველაფერი მიდის 20-25… იმიტომ არის, რომ ვიღაცა ძალიან მდიდრდება, ვიღაცა ქვეყნიდან გარბის.
მე რატომ არ მეშინია?! მე რომ გადავდექი, რატომ არ შემეშინდა?! იმიტომ, რომ ვერაფერს ვერ დამაბრალებენ და ვერაფერს ვერ მიზამენ. იმიტომ, რომ საქმის კეთების მეტი, არაფერი გამიკეთებია და სახლში არაფერი წამიღია. ამათ ახლა სახლში იმდენი აქვთ წაღებული, მთელი დიდი პრობლემა ახლა იქნება კიდე ის, რომ ეს როგორ დაიცვან… თან ეშინიათ, რომ არ დამიჭირონო, თან ის, რაც მოიპარა, იმის შენარჩუნება უნდა…“, – განაცხადა გიორგი გახარიამ.
ავტორი
ნინი ხიჯაკაძე
