“მე მოვუწოდებ მთელ ოპოზიციას, რომ ნუ ექნებათ “შავი ფულის” ტრიალის იმედი” – ირაკლი ზარქუა

საპარლამენტო უმრავლესობის წევრი, ირაკლი ზარქუა ჟურნალისტებთან კომენტარს აკეთებს იურიდიული პირებისთვის პოლიტიკური პარტიების დაფინანსების ნაწილში შეზღუდვების დაწესებასთან დაკავშირებით:

,,ეს არის ევროდირექტივა, რეკომენდაცია, სადაც იურიდიულ პირებს ეკრძალებათ საარჩევნო კამპანიაში ჩართვა. ჩვენ მივესალმებით და მივიღეთ ეს რეკომენდაცია, კი ბატონო.

მე მოვუწოდებ მთელ ოპოზიციას, რომ ნუ ექნებათ ,,შავი ფულის” ტრიალის იმედი. ხალხთან იმუშაონ, გავიდნენ, ელაპარაკონ – იქნებ გადალახონ ის ბარიერი. სხვანაირად გამორიცხულია! ჩვენ მივიღეთ ეს რეკომენდაცია და იურიდიულ პირებს შეეზღუდებათ პოლიტიკური პარტიების დაფინანსება“, – განაცხადა ირაკლი ზარქუამ.

ავტორი
ნინი ხიჯაკაძე