“ხელისუფლებებს ჩვენზე ძალადობის და ჩვენი კონტროლის უფლებები კი არ უნდა დავუმატოთ, უნდა შევუმციროთ“, – კონკრეტულ მაგალითზე აქცენტით თავის პრინციპულ პოზიციას აფიქსირებს ანალიტიკოსი, ჟურნალისტი არჩილ გამზარდია:
“ფეისბუქზე ვრცელდება პეტიცია პიროტექნიკის აკრძალვის შესახებ. მიუხედავად იმისა, რომ შესაძლოა პათოსს ვეთანხმებოდე, ვერაფრით ვიქნები მომხრე, ხელისუფლებას აკრძალვების უფლება და ძალაუფლებრივი ძალადობები გავუძლიერო.
მსგავსი მოწადინებებით ჩვენ ხელისუფლებებს მხოლოდ ვუძლიერებთ ჩვენზე ძალადობის უფლებებსა და შესაძლებლობებს და ჯამში, ყოველთვის ჩვენ გვიტრიალდება ცუდად.
ხელისუფლებებს ჩვენზე ძალადობის და ჩვენი კონტროლის უფლებები კი არ უნდა დავუმატოთ, უნდა შევუმციროთ და პირიქით, წავართვათ ხოლმე ჩვენზე ძალადობის უფლება.
ეს რაღაც საშინელი რამ გვჭირს ხოლმე, როდესაც ჩვენით ვტენით ხელისუფლებებს განუზომელ ძალაუფლებებს და ჩვენით ვართმევთ უფლებებს საკუთარ თავს, რასაც ვალდებულების თვითგანცდის დეფიციტი ქმნის.
ნუ დავამონებთ თავს ხელისუფლებებს“, – წერს ფეისბუქის პირად გვერდზე არჩილ გამზარდია.