სოციოლოგიის დოქტორ, იაგო კაჭკაჭიშვილის კონკრეტული არგუმენტები და განმარტებები იმასთან დაკავშირებით, თუ რატომ არ უნდა აწყობდეს მმართველ პარტიას “ნაციონალური მოძრაობაში” შექმნილი სიტუაცია:
“შეიძლება უცნურად გამოიყურება, რასაც ვიტყვი, მაგრამ ხელისუფლებას, წესით, არ უნდა აწყობდეს ის პროცესები, რაც, დღესდღეობით, “ნაციონალურ მოძრაობაში” ხდება. ხელისუფლებას ურჩევნია, კონკურენტად ჰყავდეს მეტ-ნაკლებად მონოლითური “ნაცმოძრაობა”, რათა შექმნას შიშნარევი მოლოდინი ამომრჩევლებში, რომ თუ მას არ აირჩევენ, ხელისუფლებაში “ნაცმოძრაობა” დაბრუნდება.
მელიას და “ნაცმოძრაობის” კიდევ რამდენიმე ლიდერის გამოყოფა პარტიიდან, ნაცმოძრაობის ამომრჩევლების გარკვეულ ნაწილსაც გაიყოლებს (თუ რამდენს, ამას გაზომვა უნდა კვლევებით). ეს, ერთი მხრივ, “ნაცმოძრაობის”, როგორც “ქართული ოცნების” პოტენციური (არსებითად, ილუზორული) ჩამნაცვლებლის იმიჯს გააფერმკრთალებს და, მეორე მხრივ, გადაუწყვეტელი ამომრჩევლების დიდი ჯგუფიდან გარკვეულ ნაწილს მიიმხრობს, რითაც მიზიდულობის ახალი ცენტრი გაჩნდება.
ხოლო, ყოველი ოპოზიციური პარტია (მათ შორის, ახალი), რომელსაც ბარიერის გადალახვის შანსი გაუჩნდება, “ქართული ოცნების” ხელისუფლებაში დარჩენის ალბათობას ამცირებს“, – წერს ფეისბუქის პირად გვერდზე იაგო კაჭკაჭიშვილი.
