პარტია ,,ქართული ოცნების” თავმჯდომარე, ირაკლი კობახიძე მწვავე და კრიტიკულ შეფასებას აკეთებს პრეზიდენტ სალომე ზურაბიშვილის მიერ წამოწყებულ კონკრეტულ პოლიტიკურ აქტივობებზე, კერძოდ ევროკავშირის კანდიდატი ქვეყნის სტატუსის მინიჭებასთან დაკავშირებით:
,,მას შეუძლია წალენჯიხაში ჩავიდეს და იქ დახვდება მისი პოლიტიკური გუნდის წარმომადგენელი – წალენჯიხის მერი.
რაც შეეხება ჩვენი გუნდის წარმომადგენლებს, ისინი რომ ,,ნაც. მოძრაობის” წარმომადგენლებს არ ხვდებიან, ეს ხომ აბსოლუტურად ლოგიკურია?!
სალომე ზურაბიშვილი რა კამპანიასაც აწარმოებს, ვიცით ამის პოლიტიკური მოტივი რა არის, ეს არის კოლექტიური ,,ნაც. მოძრაობის” რაღაცა კამპანიების გაგრძელება. სინამდვილეში ეს ხომ მთლიანად პოლიტიკური კამპანიაა?
სისულელეა ხელმოწერების შეგროვება იმ პირობებში, როდესაც კომისიის დასკვნა არსებობს და 15 დეკემბერს ვიცით, რომ ევროპული საბჭოს მხრიდან იქნება მიღებული გადაწყვეტილება. რაღა ხელმოწერებზეა საუბარი?!“, – განმარტავს ირაკლი კობახიძე.
მმართველი პარტიის ხელმძღვანელი ყურადღებას ამახვილებს, აგრეთვე, იმ კამპანიაზე, რომელიც ოპოზიციამ წამოიწყო, რაც ემიგრანტებისთვის არჩევნებში მონაწილოეობი უზრუნველყოფას ეხება და რომელსაც პრეზიდენტი აქტიურად უჭერს მხარს:
,,სალომე ზურაბიშვილი პირდაპირ ჩაერთო კოლექტიური ,,ნაც.მოძრაობის” სპეკულაციურ კამპანიაში.
საარჩევნო უბნები საზღვარგარეთ გახსნილი იქნება და ემიგრანტებს ექნებათ, სურვილის შემთხვევაში, ხმის მიცემის საშუალება. ეს იქნება უზრუნველყოფილი საარჩევნო ადმინისტრაციის მიერ.
სალომე ზურაბიშვილს ვურჩევდი, რომ ასე ღიად ნუ გაშიფრავს ხოლმე საკუთარ ალიანსს“, – განაცხადა ირაკლი კობახიძემ.
ავტორი
ნინი ხიჯაკაძე
