პარლამენტის ფრაქციის ,,ერთიანი ნაციონალური მოძრაობა – ძალა ერთობაშიას” თავმჯდომარე, თინა ბოკუჩავა ჟურნალისტებთან კომენტარს აკეთებს ,,ქართული ოცნების” პოლიტიკურ ნაბიჯებზე ევროპული საბჭოს 9 რეკომენდაციის შესრულების საკითხთან დაკავშირებით:
,,სამუშაო ჯგუფები რეჟიმის მხრიდან იქნება მორიგი პოლიტიკური წარმოდგენა და მცდელობა, რომ ფასადური, კოსმეტიკური ცვლილებების საფუძველზე ეცადონ ევროკავშირი დაარწმუნონ იმაში, რომ მათი მხრიდან არის პოლიტიკური ნება რეფორმების განხორციელების.
ჩვენ ძალიან კარგად გვესმის, რომ არავინ მოტყუვდება ამგვარი კოსმეტიკური და ფასადური ცვლილებებით, რადგან ცვლილებები, რომლებიც განსახორციელებელია, არის ფუნდამენტური. ეს ფუნდამენტური ცვლილებები ხელისუფლების ცვლილების შემდეგ აუცილებლად განხორციელდება.
თუმცა, ფორმალურად, ჩვენ განვიხილავთ და ასევე, კონსულტაციებს გავივლით სხვა ოპოზიციურ პარტიებთან, ამ პროცესში მონაწილეობის საკითხზე“, – განაცხადა თინა ბოკუჩავამ.
ავტორი
ნინი ხიჯაკაძე
