ადამიანურ ღირებულებებზე საუბრობს, სოციალურ ქსელში გამოქვეყნებულ პოსტში, რონდელის ფონდის მკვლევარი, აღმოსავლეთმცოდნე, ისტორიის მეცნიერებათა დოქტორი, ზურაბ ბატიაშვილი:
“ზოგჯერ შეხედავ ადამიანს, პიროვნულად აშკარად ცუდად იქცევა, მაგრამ რაღაც ზღვრის იქით კიდევ უფრო უარესის ჩადენისგან უხილავი ძალა არ უშვებს და აჩერებს მას.
მეორე ადამიანს აკვირდები. ერთი შეხედვით, კარგად იქცევა, მაგრამ აშკარად ხედავ, რომ რაღაც ზღვრის იქით ვერც ის მიდის. ამ შემთხვევაში უკეთესის გაკეთებისკენ რაღაც უხილავი ძალა აჩერებს მას.
ასეთ შემთხვევაში გრიგოლ რობაქიძე ამბობდა ხოლმე: “რასსა არ ჰყოფნის”, სადაც თანამედროვე გაგებით, არა უშუალოდ რასობრივი კუთვნილება, არამედ თვითნაბადი შემართება იგულისხმება.
როდესაც ორივე ნიჭი (პიროვნული და თვითნაბადი) ერთად აბადია ადამიანს, ეს ნამდვილი განძია პირველ რიგში ამ ქვეყნისთვის.
სწორედ ასეთ ადამიანებზე დგას ეს ქვეყანა. აქამდეც ასეთმა ხალხმა მოიყვანა იგი დღემდე!” – წერს ზურაბ ბატიაშვილი ფეისბუქის პირად გვერდზე.
