“ქალბატონი სალომე დაუშვებს ეგზისტენციალურ შეცდომას, თუ ის შეიწყალებს ადამიანს, რომელმაც ცეცხლმოკიდებული მოლოტოვის კოქტეილი ესროლა ჩვენს გმირ პოლიციელს” – ბექა ოდიშარია

პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშარია მწვავე კომენტარს აკეთებს 7-9 მარტის საპროტესტო აქციების მონაწილე აქტივისტის, ლაზარე გრიგორიადისის საქმესთან დაკავშირებით:

,,ლაზარე გრიგორიადისს ხან ერთი ქურთუკი ეცვა, ხან მეორე; ხან ერთი ,,კაპიშონი”, ეხურა თავზე, ხან მეორე. ახლა ვერ ამოიცნეს ისეთ ორომტრიალში და იმ სიბნელეში, თან ხელში მოლოტოვის კოქტეილი ეჭირა გავარვარებული ცეცხლით. ასეთ შემთხვევაში, შესაძლებელია ადვილად ვერ იცნო, ვიდრე სასამართლოს გაბრდღვიალებულ დარბაზში. ამაში გასაკვირი არაფერი არ არის.

რაც შეეხება შეწყალებას – არ ვიცი, გრძელდება თუ არა საქმე მისი მამამისზე ძალადობის. თუ ეს საქმე გრძელდება, მაგ საქმეზე თუ შეიწყალებს კარგი იქნება, რომ შვილმა მამა დაჭრა.

რაც შეეხება პოლიციელებთან დაკავშირებით – მე ვფიქრობ, რომ ქალბატონი სალომე დაუშვებს ეგზისტენციალურ შეცდომას, თუ ის შეიწყალებს ადამიანს, რომელმაც ცეცხლმოკიდებული მოლოტოვის კოქტეილი ესროლა ჩვენს გმირ პოლიციელს“, – განაცხადა ბექა ოდიშარიამ.

ავტორი
ნინი ხიჯაკაძე