გენერალ გიგი კალანდაძის მიერ “მთავარი არხის” ეთერში გაჟღერებულ ინფორმაციაზე, იმის თაობაზე, რომ რუსეთის მხარეს გადაეცა ქართული დაზვერვის აგენტების სია, ჟურნალისტებთან მწვავე შეფასებებს აკეთებს პარლამენტის ფრაქციის ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა:
,,კოლაბორაციონისტური რეჟიმი, რომელიც ღიად მოღალატეობრივად თანამშრომლობს ოკუპანტ სახელმწიფოსთან, რუსეთთან, რაშიც ,,რუსულ ოცნებას” პირდაპირ ამხელს, მათ შორის, საერთაშორისოდ აღიარებული ტერორისტი, ვლადიმერ პუტინი, ბუნებრივია არაერთ მსგავს მოღალატეობრივ ქმედებას ჩაიდენდა, რაც მომავალმა დემოკრატიულმა კოალიციურმა ხელისუფლებამ, სადაც იქნებიან დამოუკიდებელი საგამოძიებო უწყებები და დამოუკიდებელი სასამართლო, აუცილებლად უნდა გამოიძიოს.
ის, რომ დღეს ,,რუსული ოცნება” საკუთარ ღალატს თავადვე გამოიძიებს, ამის ილუზია არ მაქვს“, – განაცხადა თინათინ ბოკუჩავამ.
ავტორი
მარიამ ხაჩირაშვილი
