თბილისის საკრებულოს ფრაქცია ,,ლელო პარტნიორობა საქართველოსთვის” თავმჯდომარე, საბა ბუაძე კომენტარს აკეთებს სააარჩევნო ბარიერთან დაკავშირებით:
,,ჩვენი [სტრატეგიული] პარტნიორები საქართველოსგან ითხოვენ ფუნდამენტურ საარჩევნო რეფორმას, მათ შორის, ბარიერის დაწევასაც. იმისათვის, რომ არცერთი ამომრჩევლის ხმა 2024 წლისთვის არ დაიკარგოს.
თუმცა, ჩვენ ვხედავთ ხელისუფლების მორიგ ტყუილს, რომელსაც არ უნდა, რომ ბარიერი დაწიოს, რომელიც ამ ბარიერს, როგორც ჩანს, ხედავს როგორც საფრთხეს და პრობლემას.
რასაკვირველია, ,,ლელო” უჭერს მხარს ჩვენი პარტნიორების ამ მოთხოვნას და ფუნდამენტურ საარჩევნო რეფორმას, რომლის ნაწილიც არის ბარიერი. თუმცა, ,,ლელოსთვის” ბარიერის საკითხი არ არის გადამწყვეტი მნიშვნელობის. შესაბამისად, ჩვენ დაველოდებით, როგორ განვითარდება მოვლენები“, – განაცხადა საბა ბუაძემ.
ავტორი
ნინი ხიჯაკაძე
