7-9 მარტის საპროტესტო აქციებიდან გამომდინარე დაკავებული აქტივის, ლაზარე გრიგორიადისის დედა, ემიგრაციიდან დაბრუნებული თამთა კალანდაძე ჟურნალისტებთან ემოციურ კომენტარს აკეთებს შვილის სასამართლო პროცესებთან დაკავშირებით:
,,ძლივს გავძელი რა. ველოდი, რომ რაღაცა უკეთესობისკენ შეიცვლებოდა, რაღაცა ცვლილება იქნებოდა. აი, ბოლო პიკში უკვე გადავწყვიტე აქ ჩამოსვლა.
სამართალს ვერ ვგრძნობ ამ პროცესებთან დაკავშირებით. ვერ მივხვდი, რატომ ზის ჩემი შვილი 8 თვე ციხეში?!
ყველაზე მძიმე იყო ეგ ფაქტი, როდესაც ვუყურებდი ამას, რას ამბობდნენ ლაზარეზე… ჯერ ვერ დავიჯერე იმიტომ, რომ რაღაცა ხუმრობა მეგონა და ცოტა სიცილი ამიტყდა. მერე, რომ დავრწმუნდი, ნამდვილად ასეა… უბრალოდ შეუფერებელია, რომ თანამდებობის პირი, რომელსაც ჰყავს შვილები, გინდაც არ ჰყავდეს, მსგავს რაღაცებს ლაარაკობდა ჩემ შვილზე.
რომ ვერ ვეხუტები და ვერ ვუახლოვდები, ძნელია, მაგრამ მაინც კარგია რომ დავინახე, მოვესიყვარულეთ ასე შორიდან“, – განაცხადა თამთა კალანდაძემ.
ავტორი
ნინი ხიჯაკაძე
