“როდესაც იქნება ექიმების შესაბამისი რეკომენდაცია, მიხეილ სააკაშვილი იქნება გადაყვანილი პენიტენციურ დაწესებულებაში” – რატი ბრეგაძე

იუსტიციის მინისტრი, რატი ბრეგაძე ჟურნალისტებთან კომენტარს აკეთებს საქართველოს მე-3 პრეზიდენტის, მიხეილ სააკაშვილის კლინიკა ,,ვივამედიდან” პენიტენციურ დაწესებულებაში გადაყვანის საკითხთან დაკავშირებით:

,,სახელმწიფო ყველაფერს აკეთებს იმისთვის, რომ კონკრეტულად ამ ადამიანის ჯანმრთელობის უფლება იყოს სრულად დაცული.

როგორც მოგეხსენებათ, მისი ჯანმრთელობის მდგომარეობა არის გაუმჯობესებული, რითაც ჩვენ ვართ ძალიან მოხარულები. როდესაც იქნება ექიმების შესაბამისი რეკომენდაცია, ის იქნება გადაყვანილი პენიტენციურ დაწესებულებაში.

შესაძლებელია კი არა, ის აუცილებლად იქნება გადაყვანილი [პენიტენციურ დაწესებულებაში], როდესაც იქნება ექიმების რეკომენდაცია. იმიტომ, რომ მსჯავრდებული პატიმარი სასჯელს იხდის საქართველოს პენიტენციურ დაწესებულებაში“, – განაცხადა რატი ბრეგაძემ.

ავტორი
ნინი ხიჯაკაძე