საერთაშორისო რესპუბლიკური ინსტიტუტის (IRI) დაკვეთით ჩატარებული კვლევის შედეგები ჯერ არ გამოქვეყნებულა, თუმცა ოპოზიციისთვის ცნობილი გახდა ცალკეული შედეგები. კერძოდ ის, რომ პარტიული რეიტინგების მიხედვით ოპოზიციური ძალების შედეგები ჯამში მეტია მმართველი პარტიის რეიტინგზე. აღნიშნულთან დაკავშირებით ჟურნალისტებთან კომენტარი გააკეთა გამარჯვების პლატფორმის“ ერთ-ერთმა ლიდერმა, ,,ერთიანი ნაციონალური მოძრაობის“ თავმჯდომარემ, ლევან ხაბეიშვილმა:
,,მათემატიკურად ყველა კვლევა აჩვენებს, რომ რუსული პარტიის გაგონება არ უნდა ამ ქვეყანაში 60-დან 65%-მდე ადამიანს. არ უნდათ რუსული პარტია!
ამიტომ ახლა მნიშვნელოვანია, ოპოზიციის გადაჯგუფება სწორად ისევე, როგორც გავაკეთეთ ჩვენ – ,,ნაციონალურმა მოძრაობამ“ და ,,სტრატეგია აღმაშენებელმა“.
ამ შემთხვევაში, რუსული პარტია დამარცხდება. ოპოზიციამ მხოლოდ უნდა შეწყვიტოს ერთმანეთის თემებზე განხილვებში შესვლა. ერთ პირში უნდა ვისაუბროთ მტრის წინააღმდეგ“, – განაცხადა ლევან ხაბეიშვილმა.
ავტორი
ნინი ხიჯაკაძე
