თავდაცვის კომიტეტის სხდომაზე დაპირისპირება მოხდა. კერძოდ, კომიტეტის თავმჯდომარე ირაკლი ბერაისთან მიმართებაში მწვავე პოზიცია დააფიქსირა საპარლამენტი პოლიტიკური ჯგუფის ,,მოქალაქეების“ თავმჯდომარემ, ალეკო ელისაშვილმა. მომხდარ ფაქტთან დაკავშირებით, ოპოზიციონერმა დეპუტატმა, განმარტებები გააკეთა მედიასთან:
,,იმ ოთხაში კედლებზე ჰკიდია ძალიან ღირსეული ხალხის ფოტოები – გენერლების – მაზნიაშვილის, კვინიტაძის, კოტე აფხაზის და ამ დროს, იქვე ზის, უსირცხვილოდ, ირაკლი ბერაია.
ადამიანი, რომელიც გამოვიდა და თავისი პირით ისეთი საზიზღრობები ილაპარაკა, მითუმეტეს, დაწერილი ტექსტი, იმის მერე შეხსენება არ უნდა სჭირდებოდეს, თვითონ უნდა წავიდეს თანამდებობიდან.
სულ არ მადარდებს მე ბერაიას თანამდებობა. საერთოდ, არანაირი ამბიცია მე, პირადად თავდაცვის კომიტეტის თავმჯდომარეობის კი არ მაქვს. ისევ ,,ქართული ოცნებიდან“ დანიშნონ, მაგრამ დანიშნონ სხვა, ვინც ისეთი თავმოჭრილი და უღირსი არ არის, როგორიც ბატონი ბერაია“, – განაცხადა ალეკო ელისაშვილმა.
ავტორი
ნინი ხიჯაკაძე
