“ძალიან მძიმეა ხელისუფლების გადაწყვეტილებები მიხეილ სააკაშვილთან დაკავშირებით” – თამარ კორძაია

პარლამენტის წევრი, თამარ კორძაია ჟურნალისტებთან კომენტარს აკეთებს საქართველოს მე-3 პრეზიდენტის, მიხეილ სააკაშვილის საქმესთან დაკავშირებით:

,,როდესაც უკრაინის ხელისუფლება ექსტრადირებაზე დოკუმენტის მომზადების შესახებ მოთხოვნას გიგზავნის და პარლამენტის წევრს პასუხობ, რომ ,,იცით რა, რიგშია და ერთ-ერთი ჩვეულებრივი პატიმარია“, მაშინ, რა თქმა უნდა, 27 სახელმწიფოს საპროტესტო ნოტასაც მიიღებ.

ამიტომ, ვფიქრობ, რომ ძალიან მძიმეა ხელისუფლების გადაწყვეტილებები მიხეილ სააკაშვილთან დაკავშირებით. პრაქტიკულად, მიხეილ სააკაშვილის მიმართ მოპყრობით, ისინი სახელმწიფოს საფრთხეს უქმნიან“, – განაცხადა თამარ კორძაიამ.

ინფორმაციისთვის: დასავლეთი მოითხოვს, რომ დაცული იქნას პატიმრობაში მყოფი საქართველოს მე-3 პრეზიდენტის, მიხეილ სააკაშვილის ჯანმრთელობა და სიცოცხლე. აღნიშნული საკითხი, რომელზეც ევროკავშირის წევრი ქვეყნები ბრიუსელში შეთანხმდნენ, საქართველოს ხელისუფლებას ევროკავშირის ელჩმა, პაველ ჰერჩინსკიმ გადასცა.

ავტორი
ნინი ხიჯაკაძე