ანალიტიკოსი ზაალ ანჯაფარიძე სოციალურ ქსელში მწვავე პოზიცია-შეფასებებით ეხმაურება პრეზიდენტ სალომე ზურაბიშვილის მორიგ ვიზიტს ევროპაში და “ფრანს 24”-სთან ინტერვიუს:
“ერთი კარგი ბარაქიანი ქართული ანდაზა მახსენდება, “არ გათეთრდების ყორანი რაც უნდა ხეხო ქვიშითაო“. განაგრძობს სალომე ზურაბიშვილი წვრილ-წვრილ მაწაკობებს აქ თუ ქვეყნის გარეთ.
გაკვირვებული ვიქნებოდი “ფრანს 24”-ის წამყვანის შეფასებით, რომელმაც საქართველოს პრემიერს “პრორუსი” უწოდა, რომ არ ვხვდებოდე თუნდაც დედუქცია/ინდუქციის საფუძველზე, თუ როგორ და ვისი დალაგებულია ეს თემა. არ გაგიკვირდებათ, თუ გეტყვით, რომ ამ ფრანგული არხის თანამშრომელი წლების განმავლობაში იყო სალომე ზურაბიშვილის შვილი, რომელმაც დიდი ალბათობით დედის დავალებით პირდაპირ დაალაგა ის ამბავი, რაც ზურაბიშვილის სტუმრობის დროს ეთერში მოხდა.
როგორც ინფორმირებული წყაროები ამბობენ, “ფრანს 24”-თან პირდაპირი კავშირები აქვს რაფაელ გლუკსმანს, ფრანგ ევროპარლამენტარს, რომელიც “ნაციონალური მოძრაობის” რუპორია და თავის დროზე სააკაშვილის მრჩეველი და მისგან გვარიანად ნაპატივცემი.
ასეთი პაწია მედია-ჩხვლეტებით აგრძელებენ მავნებლობას ნაცსექტა და მისი გარე თუ შიდა მოკავშირეები“, – წერს ფეისბუქის პირად გვერდზე ზაალ ანჯაფარიძე.
