საქართველოს პარლამენტის თავმჯდომარის მოადგილე, არჩილ თალაკვაძე ჟურნალისტებთან კრიტიკულ შეფასებას აკეთებს საპარლამენტო ოპოზიციის მიერ ინიცირებულ რეზოლუციასთან დაკავშირებით, სადაც მოთხოვნაა დაყენებული, რომ საქართველოს მოქალაქე თამაზ გინტურის მკვლელი რუსი სამხედროები ,,ოთხოზორია-ტატუნაშვილის სიაში” იქნენ შეყვანილნი:
,,რადიკალური ოპოზიცია საქართველოს, ანუ თავის სახელმწიფოს, ვის პოლიტიკასაც ისინი წარმოადგენენ, სთხოვს და პირობას უყენებს, რომ საოკუპაციო რეჟიმის მხრიდან მოკლული თანამოქალაქის და გატაცებული, უკანონო ტყვეობაში მყოფი ადამიანის შესახებ მოახდინოს რეაგირება.
ეს არის მანიპულაციური ტექსტი, რომელიც აპრიორი ამბობს იმას, რომ თითქოს ,,საქართველო აქამდე არაფერს აკეთებდა ოკუპაციის წინააღმდეგ“.
ამ რეზოლუციას აინიცირებს ხალხი, რომელმაც თავისი მოსახლეობა ომის დროს ომის ზონაში ევაკუაციის გარეშე დატოვა“, – განაცხადა არჩილ თალაკვაძემ.
ავტორი
მარიამ ხაჩირაშვილი
