თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, მიხეილ სააკაშვილის საზოგადოებრივი ოფისის ხელმძღვანელი, სოფო ჯაფარიძე სოფელ კირბალში, რუსი სამხედროების მიერ მოკლული საქართველოს მოქალაქის, თამაზ გინტურის სამოქალაქო პანაშვიდზე იმყოფებოდა, სადაც მომხდარ ტრაგედიასთან დაკავშირებით ემოციური კომენტარი გააკეთა “ტვ პირველთან” ჩართვისას:
,,ძალიან მიმძიმს ამ ადგილიდან კომენტარის გაკეთება. ძალიან მძიმე მდგომარეობაა. მე ერთი შემიძლია ვთქვა, რომ დღეს საქართველოს რომ ჰყავდეს ღირსეული ხელისუფლება, აგვისტოს ომის ვეტერანს, აუცილებლად ლომისას ეკლესიიდან გამოასვენებდნენ.
ძალიან მძიმეა უყურო იმას, რომ სამშობლოს სიყვარულისა და უდიდესი რწმენისთვის ჩვენ მოქალქეებს რუსები როგორ გვიკლავენ.
რა შემიძლია დღეს მეტი ვთქვა – სამძიმარზე ვიყავი. ფიზიკურად მე დღეს არ მაქვს იმის მორალური შესაძლებლობა, რომ აქედან პოლიტიკური განცხადება გავაკეთო, მაგრამ კითხვა არის ძალიან ბევრი და ამისი დროც აუცილებლად მოვა“, – განაცხადა სოფო ჯაფარიძემ.
ავტორი
ნინი ხიჯაკაძე
