ადვოკატი, სამოქალაქო აქტივისტი ბაჩანა შენგელია საზოგადოებას ინფორმაციას აწვდის იმასთან დაკავშირებით, რომ რუსი ოკუპანტების მიერ მოკლული საქართველოს მოქალაქის, თამაზ გინტურის და პატიმრობაშია, ამიტომ კონკრეტული ინიციატივით მიმართავს ხელისუფლებას, სამართალდამცავ ორგანოებს, რომ მოხდეს მისი გირაოთი გათავისუფლება:
“ოკუპანტების მიერ მოკლული თამაზ გინტურის და, ნინო გინტური დღეს პატიმრობაშია. ის მოქმედი ნოტარიუსია და სავარაუდოდ თაღლითური სქემის მსხვერპლია. თვეზე მეტია ნინო პატიმრობაშია, გამოკითხულია საქმის მონაწილე ყველა პირი და მით უმეტეს არ არსებობს მოწმეებზე ზემოქმედების საფრთხე.
მივმართავ ხელისუფლებას, შეუცვალოს ნინო გინტურს აღკვეთის ღონისძიება და გაათავისუფლოს ის გირაოს სანაცვლოდ! მივცეთ ამ ადამიანს საშუალება უკანასკნელ გზაზე გააცილოს თავისი გმირი ძმა“, – წერს ფეისბუქის პირად გვერდზე ბაჩანა შენგელია.
