როგორც ცნობილია ფინანსთა სამინისტრომ, ინკასო დაადო ტელეკომპანიებს “რუსთავი 2”-ს, “ტვ პირველს” და “კავკასიას” და მათგან დავალიანების დაფარვას ითხოვს. თემას ეხმიანება საქართველოს ვიცე-პრემიერი, იუსტიციის მინისტრი. თეა წულუკიანს მიაჩნია, რომ ტელეკომპანიებმა დაკისრებული გადასახადები უნდა გადაიხადონ:
“როდესაც ზოგიერთი ტელევიზია იხდის გადასახადს, ზოგიერთი არ იხდის და ვინც არ იხდის მას სახელმწიფო პატიობს, ეს არის შერჩევითი, ამიტომ ეს შერჩევითობა უნდა დასრულდეს და ყველა კერძო კომპანიამ, მათ შორის, ტელევიზიებმა გადაიხადონ ის დავალიანება, რაც უკვე მრავალი თვეა აქვთ სახელმწიფო ბიუჯეტის წინაშე.
სახელმწიფო ბიუჯეტი არ ეკუთვნის რომელიმე მინისტრს ან კერძო კომპანიას, მათ შორის ტელეკომპანიებს, ბიუჯეტი ეკუთვნის მათ, ვინც ჩვენ გვისმენს ანუ ხალხს. შესაბამისად ხალხს უნდა დაუბრუნდეთ ის ფული, რაც ეკუთვნის,” – განაცხადა იუსტიციის თეა წულუკიანმა.