“გამარჯვების კოალიციის” ერთ-ერთი ლიდერი, “სტრატეგია აღმაშენებლის” თავმჯდომარე, პარლამენტის წევრი გიორგი ვაშაძე მწვავე შეფასებებით ეხმაურება გორის მუნიციპალიტეტის სოფელ კირბალთან, საოკუპაციო ხაზის სიახლოვეს რუსი ოკუპანტების მიერ საქართველოს მოქალაქის ვერაგულ მკვლელობას და მკაცრად გმობს მომხდარ ფაქტს:
“ვგმობთ სოფელ კირბალის მიმდებარედ რუსეთის საოკუპაციო ძალების მიერ ცეცხლსასროლი იარაღით საქართველოს მოქალაქის ვერაგულ მკვლელობას.
გპირდებით ყველა დამნაშავე აუცილებლად აგებს პასუხს და დაისჯება!
ჯალათური ფაქტი მუთითებს, რომ ოკუპანტებთან დათმობას მხოლოდ წახალისების ეფექტი აქვს და ეს ბარბაროსობა, ოკუპაცია დასრულდება მაშინ, როცა ქვეყანა გახდება ევროკავშირისა და ნატოს წევრი და არა მტერთან კოლაბორაციით და ღალატით, რომელი გზაც ხელისუფლებამ აირჩია!“ – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს