8 ნოემბერს ევროკომისია წინასწარ ანგარიშს წარადგენს საქართველოს, უკრაინასა და მოლდოვასთან დაკავშირებით, თუ როგორ მიმდინარეობს რეკომენდაციების შესრულება. თემასთან დაკავშირებით ჟურნალისტებთან კომენტარს აკეთებს პარლამენტის ფრაქცია ,,ქართული ოცნების” თავმჯდომარის მოადგილე, ბექა დავითულიანი:
,,სტატუსს თუ მივიღებთ, იქნება ჩვენი ქვეყნის მიერ გავლილი გზის, ჩვენი ხალხის, ჩვენი ხელისუფლების დამსახურება და არ იქნება ოპოზიციის დამსახურება. იმიტომ, რომ სწორედ იმ 12 რეკომენდაციის პირობებში, პრაქტიკულად, არცერთ პუნქტში, არცერთი რეკომენდაციის აღსრულებაში არ შემოგვყვა, მცირე გამონაკლისების გარდა, მხოლოდ ზოგიერთი ოპოზიციონერი.
მეორე მხრივ, თვითონ ოპოზიციონერები ადასტურებენ, რომ ბრიუსელში, სტრასბურგში დადიოდნენ და იხვეწებოდნენ, რომ ,,არ მისცეთ ქვეყანას სტატუსი იმიტომ, რომ ამით ჩვენ პოლიტიკურად ქულებს დავკარგავთ ქვეყნის შიგნით“.
ახლა, მეტი რა უნდა მოხდეს?! ამ პირობებში ქვეყნის წინაშე, ოპოზიციამ მეტი რა უნდა დააშავოს, მე ვერ ვხვდები?!“, – განაცხადა ბექა დავითულიანმა.
ავტორი
ნინი ხიჯაკაძე
