გავრცელებულ განცხადებებს, რომ საქართველოს კანდიდატის სტატუსი შეიძლება გეოპოლიტიკიკური მდგომარეობის გათვალისწინებით მიენიჭოს, კონკრეტულ ფაქტებზე დაყრდნობით და ირონიანარევი შეფასებებით ეხმაურება საზოგადოებრივი მაუწყებლის სამეურვეო საბჭოს წევრი, ბონდო მძინარაშვილი:
“ამ ორ წელიწადში არც გეოპოლიტიკური მდგომარეობა შეცვლილა და გეოგრაფიულადაც ისეც იქ ვართ, სადაც მაკრონმა “დაგვტოვა” შარშან; საქართველოში ისევ ღარიბაშვილია, ზურაბიშვილიც ისევ პრეზიდენტია იმპიჩმენტის პროცედურების მიუხედავად და შავი ზღვაც ისევ “დამნაშავეა”, რადგან ისევ “შავია”.
ახლო სამეზობლოშიც – რუსეთში ისევ პუტინია, თურქეთში ისევ ერდოღანია, აზერბაიჯანში ისევ ალიევია და სომხეთში ისევ ფაშინიანია.
უფრო მეტიც, პეკინში ისევ სი ძინპინია, ვაშინგტონში ისევ ბაიდენია და ბრიუსელში – ფონ დერ ლაიენი და მიშელი; ბორელიც ისევ იქვეა და აქვეც იყო “ამწინეებზე”; გაეროში ისევ გუტერეშია, უკრაინაში – ზელენსკი და ისრაელში – ნეთანიაჰუ.
მოკლედ, ახლა დავაკვირდი და, არსად არავინ შეცვლილა – არც აქ და არც სადმე ახლო-მახლო თუ გაღმა-გამოღმა.
მაშ, რა შეიცვალა?!
რამ შეცვალა ევრორიტორიკა?!
იქნებ, ყველაფერი ასე და ამგვარად იმიტომ არის, რომ საქართველოს ხელისუფლება არ შეიცვალა წარმოუდგენელი ზეწოლის პირობებშიც კი?!
იქნებ, იმიტომ შეიცვალა საქართველოს მიმართ დამოკიდებულება, რომ ხელისუფლებამ ხალხი და ქვეყანა არ გაწირა დაჟინებული მოთხოვნის მიუხედავად?!
და რას აკეთებს და ამბობს ამ დროს რადიკალური ოპოზიცია?!
რას და, – “მაგრა იტყვის: “ჩემი სჯობსო…”
და ისევ “უცილობლობს, ვითა ჯორი”!” – წერს ფეისბუქის პირად გვერდზე ბონდო მძინარაშვილი.