ევროკომისიის პრეზიდენტი, ურსულა ფონ დერ ლაიენი უკრაინის პრეზიდენტს, ვოლოდიმირ ზელენკის შეხვდა და უკრაინის ევროკავშირში გაწევრიანების საკითხი განიხილეს:
,,ყველაზე მნიშვნელოვანი ახლა უკრაინის ევროკავშირში გაწევრიანების გზაა. უნდა ვთქვა, რომ თქვენ გაქვთ არაჩვეულებრივი პროგრესი და შთამბეჭდავია ამის ხილვა. ჩვენ დავამოწმებთ ამ საკითხს შემდეგ კვირას, როდესაც კომისია გაფართოების შესახებ ანგარიშს წარადგენს.
მინდა ვთქვა, რამდენად აღფრთოვანებული ვართ უკრაინის მიერ გატარებული რეფორმებით, რაც შეძელით ომის პირობებში. არასოდეს დაგვავიწყდება, რომ თქვენ გაქვთ ეგზისტენციალური ომი და ამავდროულად, ფუნდამენტურ რეფორმებს ატარებთ.
მიღწეულია შედეგები – მართმსაჯულების სისტემის რეფორმირებაში, ოლიგარქიის გავლენის შემცირებაში, ფულის გათეთრებასა და მრავალი სხვა.
ვიცი, რომ თქვენ ხართ პროცესში, დაასრულოთ დანარჩენი რეფორმებიც და თუ ეს მოხდება, უკრაინას შეუძლია მიაღწიოს თავის ამბიციურ მიზანს – გადავიდეს გაწევრიანების პროცესის შემდეგ ეტაპზე“, – განაცხადა ურსულა ფონ დერ ლაიენმა.
ავტორი
ნინი ხიჯაკაძე
