პრეზიდენტ სალომე ზურაბიშვილის ინტერვიუმ ამერიკულ ტელეკომპანია ,,CBS”-თან მწვავე რეაქცია გამოიწვია მმართველი პარტიაში. თემასთან დაკავშირებით კრიტიკულ განცხადებას აკეთებს პარლამენტის ფრაქცია ,,ქართული ოცნების“ თავმჯდომარე, მამუკა მდინარაძე:
,,ზურაბიშვილს უნდა მთელ მსოფლიოს მოატყუოს, რომ საქართველო რუსულ ორბიტაზეა, იქ ტრიალებს და ჩვენ არც უნდა გავაკრიტიკოთ იმიტომ, რომ მერე ვიღაცა ოკუპანტი ქვეყნის წარმომადგენლებმა არ გააკრიტიკოს?!
,,ისიც აკრიტიკებს და შენც“ – ეს ლოგიკა რომ არ შემოვახვიოთ ქართულ საზოგადოებას, ამიტომ ანტიქართული და ანტიდასავლური განცხადებები არ გავაკრიტიკოთ?! მათ შორის, ის განცხადება, რასაც ამბობს, რომ ,,რუსულ ენაზე მოლაპარაკე ადამიანები გავყაროთ“?!
ენა რა შუაშია?! ფაშისტები მეტს კი არაფერს აკეთებდნენ. ამით გამოყოფდნენ ადამიანებს ერთმანეთისგან“, – განაცხადა მამუკა მდინარაძემ
ინფორმაციისთვის: საქართველოს პრეზიდენტმა, სალომე ზურაბიშვილმა ამერიკულ ტელეკომპანია ,,CBS”-თან ვრცელ ინტერვიუში მთავრობის მხრიდან რუსული ინტერესის გატარებაზე გააკეთა აქცენტი და ასევე ქვეყნისთვის სერიოზულ პრობლემად მიიჩნია რუსეთის მოქალაქეების საქართველოში მასიური შემოდინება.
ავტორი
ნინი ხიჯაკაძე
