ოკუპირებული ცხინვალის ,,დე ფაქტო“ დეპუტატების განცხადებით, რუსეთ-საქართველოს შორის ეკონომიკური გზა ე.წ. სამხრეთ ოსეთის გავლით უნდა გაიხსნას.
თემასთან დაკავშირებით მწვავე განცხადებას აკეთებს პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ წევრი, ანა წითლიძე:
,,როდესაც ვსაუბრობთ იმაზე, რა რეაგირება უნდა ჰქონდეს ხელისუფლებას, როცა საუბარია სამხრეთ ოსეთის გზის გახსნაზე, აფხაზეთის რკინიგზის გახსნაზე – ძალიან კარგად უნდა გვესმოდეს, რომ ჩვენ ვსაუბრობთ რუსულ ხელისუფლებაზე, რეჟიმზე, რომელიც დღეს საქართველოს რუსულ ოცნებაზე მართავს. ამიტომაც ხელისუფლების რეაგირება ამ საკითხში არ იქნება არაფერი, უფრო მეტიც, წარმოუდგენელია, რომ აი ამ გზების გახსნაზე საუბარი რუსულ პოლიტიკურ ელიტაში ე.წ. ემიგრაციაში იწყებოდეს და ამის შესახებ ინფორმირებული არ იყოს საქართველოს ხელისუფლება.
ჩვენ ვნახეთ არაერთხელ, რომ აი ასეთი საკითხები წინასწარ როცა ჟღერდება, ხშირ შემთხვევაში არის შემზადება იმისთვის, რომ შემდეგ გადაწყვეტილება იქნას მიღებული. იგივე ხდებოდა სავიზო რეჟიმის მოხსნასთან, ფრენებთან დაკავშირებით.
ხელისუფლების პირდაპირი ინტერესი არის რუსული გავლენების გაძლიერება ამ ქვეყანაში“, – განაცხადა ანა წითლიძემ.
ავტორი
ნინი ხიჯაკაძე
