“ყველა ის ადამიანი, რომელიც ხელს უშლის კანონში დაინიცირებულ ცვლილებებს, სწორედაც რომ მომხრე არის სისხლიანი რევოლუციების” – ეკა სეფაშვილი “შეკრებებისა და მანიფესტაციების შესახებ” კანონთან დაკავშირებით

საპარლამენტო პოლიტიკური ჯგუფის ,,ხალხის ძალის“ წევრი, ეკა სეფაშვილი განცხადებას აკეთებს ,,შეკრებებისა და მანიფესტაციების შესახებ კანონში“ დაინიცირებულ ცვლილებებსა და აღნიშნულ კანონპროექტზე პრეზიდენტის მიერ დადებული ვეტოს დაძლევის საკითხზე:

,,ყველა ის ადამიანი, პრეზიდენტი იქნება თუ ოპოზიციის ნებისმიერი წარმომადგენელი, რომელიც ხელს უშლის მანიფესტაციის კანონში დაინიცირებულ ამ ცვლილებებს, არის მომხრე სწორედაც რომ სისხლიანი რევოლუციების.

იმიტომ, რომ ეს ცვლილებები კანონპროექტში ეხება მხოლოდ და მხოლოდ მოსახლეობის ჯანმრთელობის და უსაფრთხოების დაცვას.

ასეთი ცვლილებები ევროკავშირის ძალიან ბევრ ქვეყანაში არსებობს.

რაც შეეხება ვეტოს დაძლევას – ვეტოს დაძლევის მიმდინარეობისას, რა თქმა უნდა, ყველა არგუმენტს პასუხი გაეცემა“, – განაცხადა ეკა სეფაშვილმა.

ავტორი
ნინი ხიჯაკაძე