თბილისის საკრებულოს ფრაქცია ,,ერთიანი ნაციონალური მოძრაობის“ თავმჯდომარის მოადგილე, სოფო ჯაფარიძე საგანგებო ბრიფინგზე განცხადებას აკეთებს საქართველოს მე-3 პრეზიდენტის, მიხეილ სააკაშვილის ახალ ინიციატივაზე ჰუმანიტარულ პროექტთან დაკავშირებით:
,,მიხეილ სააკაშვილის ინიციატივით ვიწყებთ ჰუმანიტარულ პროექტს, სადაც ჩაერთო ძალიან ბევრი ექიმი და ამით მათ გამოიჩინეს სოციალური პასუხისმგებლობა.
ჩვენ, შეძლებისდაგვარად, ჩავალთ ყველა რეგიონში და ჩვენ მოქალაქეებს გავუწევთ სამედიცინო დახმარებას.
ჩვენი ინიციატივა შეიძლება ხელისუფლებისთვის ღიმილისმომგვრელი იყოს იმიტომ, რომ ჩვენ არაერთხელ დავწმუნდით, სამწუხაროდ, ჩვენი ხელისუფლებისთვის ქვეყნის მოქალაქეების სიცოცხლე და ჯანმრთელობა არის მეასე ხარისხოვანი.
მინდა ხაზი გავუსვა, ეს იქნება ჰუმანიტარული აქცია თუ პროექტი, ამას არავითარი კავშირი არ აქვს პოლიტიკურ დღის წესრიგთან.
ადამიანები მირეკავენ და ასეთი ადამიანი არის ძალიან ბევრი. მეუბნებიან, რომ მათ არჩევანის გაკეთება უწევთ – მივიდნენ ექიმთან კონსულტაციაზე თუ შეიძინონ საკვები. ეს არის უმძიმესი საყურებელი და ამისათვის ყველაფერს გავაკეთებთ, რომ ეს რეალობა მინიმუმამდე დავიყვანოთ“, – განაცხადა სოფო ჯაფარიძემ.
ავტორი
ნინი ხიჯაკაძე
