“ორი დღეა ნაცმედია თავის „ჟურნალიუგებით“ პრესავს საწყალ ხათუნა სამნიძეს” – ზაალ ანჯაფარიძე

ევროკავშირის კანდიდატი ქვეყნის სტატუსთან მიმართებაში არასწორი პოზიციის დაფიქსირების მხრივ, ცალკეულ ოპოზიციონერებთან დაკავშირებით, რომელთა სახელებიც არ გაასაჯაროვა, პარლამენტის დეპუტატის, “რესპუბლიკური პარტიის” ლიდერის ხათუნა სამნიძის მიერ მიერ გაკეთებულ სკანდალურ განცხადებას და მასზე მწვავე რეაგირებას, კონკრეტული პოზიცია-შეფასებებით ეხმაურება ანალიტიკოსი ზაალ ანჯაფარიძე:

“ოპოზიცია და მისი მომხრეები დღემდე ქილიკობენ რამდენიმე წლის წინ ხელისუფლების განცხადებაზე „საბურავების დაწვით“ ოპოზიციის მიერ რევოლუციის მცდელობაზე. გვარ-სახელები არც მაშინ დასახელებულა, თუმცა განცხადებამ თავის პრევენციული როლი შეასრულა.

ორი დღეა ნაცმედია თავის „ჟურნალიუგებით“ პრესავს საწყალ ხათუნა სამნიძეს, რომლის ცნობილ განცხადებასაც, ოპოზიციის ცალკეული წევრების მიერ ევროკავშირში ჩვენი კანდიდატობის სტატუსის საბოტაჟზე, ზუსტად ასეთივე პრევენციის მიზანი ჰქონდა. თუმცა, ნამდვილად არ მგონია, რომ ამ მხილების შემდეგ ეს საბოტაჟი შეწყდება“, – წერს ფეისბუქის პირად გვერდზე ზაალ ანჯაფარიძე