რამდენიმე დღის წინ სოციალური ქსელში გავრცელდა ვიდეო, სადაც ზემო მლეთაში, ლომისის წმინდა გიორგის ეკლესიის მიმდინარე ტერიტორიაზე სამხედრო ფორმაში გამოწყობილი რუსი სამხედროები პატრულირებდნენ. თემასთან დაკავშირებით მწვავე კომენტარი გააკეთა თავდაცვის ყოფილმა მინისტრმა, არასამთავრობო ორგანიზაცია ,,სამოქალაქო იდეის” თავმჯდომარემ, თინა ხიდაშელმა:
,,ვცხოვრობთ რეალობაში, როდესაც, მაგალითად, ,,ოჩამჩირეში ბაზას გავხსნიო” – რუსები გვეუქრებიან და საქართველოს ხელისუფლებას პაუზა აქვს – სანამ რეაგირებას მოახდენს; სამოქალაქო აქტივისტებისგან ვიგებთ, რომ თურმე ჩვენი ქვეყნის კონტროლირებად ტერიტორიაზე რუსული სამხედრო პატრული დაიარება.
ამ დროს საქართველოს უსაფრთხოების სამსახურები რითი არიან დაკავებულნი?! – ხან ამერიკელებს, USID-ის სახით, იბარებენ დაკითხვაზე, ხან გერმანელებს…
ქვეყნის სუვერენიტეტის დაკარგვა ასე ნათლად და ადვილად დასანახი, მე მგონი, არასოდეს არ ყოფილა”, – განაცხადა თინა ხიდაშელმა.
ავტორი
ნინი ხიჯაკაძე
