ფეისბუკის უსაფრთხოების განყოფილების მიერ ფეისბუკის ქართული გვერდების, ჯგუფებისა და პირადი ანგარიშების დაბლოკვასთან დაკავშირებით გავრცელებულ ინფორმაციას ეხმიანება ნაციონალური მოძრაობის პოლიტსაჭოს თავმჯდომარე, ნიკა მელია. მისი აზრით სოცქსელებში რეკლამაზე დახარჯულ თანხასთან დაკავშირებით გაჟღერებულ რიცხვი რისხვად დაატყდებათ ცალკეულ პირებს, რადგანაც ოპოზიციონერ ლიდერს მიაჩნია, რომ ივანიშვილს თანხა “მოუტეხეს”:
“მოკლედ, ამ სერიაში, ფეისბუკმა ივანიშვილს თავისი პლატფორმიდან 418 ანგარიში დაუბლოკა და ისიც გაუბაზრა, რომ რეკლამებისთვის 316 ათასი დოლარია დახარჯული.
შემდეგ სერიაში, ივანიშვილი გაარკვევს რამდენი მოუტეხეს ყანდიაშვილმა, ნაცვლიშვილმა და რამიშვილმა. ეს კი ძალზე მარტივად მოხდება – ივანიშვილი გაიხსენებს რამდეჯერ მეტი გამოართვეს ამ საქმეში, აღნიშნულ თანხას გამოაკლებს 316 ათას დოლარს და მიღებული რიცხვი თავზარს დასცემს და…
გააგრძელე საქოცეთის ისტორია“, – წერს ფეისბუკის პირად გვერდზე ნიკა მელია.