“ოთარ ფარცხალაძეს შეუწყდა მოქალაქეობა. დამთავრებული ამბავია – რაც იყო ის სპეკუკაციები, იმანაც ამოწურა საკუთარი თავი” – ირაკლი კობახიძე

პარტია ,,ქართული ოცნების” თავმჯდომარე, ირაკლი კობახიძე ჟურნალისტებთან კომენტარს აკეთებს პრეზიდენტის გადაწყვეტილებაზე საქართველოს ყოფილი მთავარი პროკურორის, ოთარ ფარცხალაძისთვის მოქალაქეობის შეწყვეტის თაობაზე:

,,ეს 2 საკითხი, პრინციპში, ამოიწურა. გუშინ, ოთარ ფარცხალაძეს შეუწყდა მოქალაქეობა. დამთავრებული ამბავია. შესაბამისად, ეს ყველაფერი ქართული სამართლებრივი სივრცისთვის ნაკლებად რელევანტური გახდა. რაც იყო ის სპეკუკაციები, იმანაც ამოწურა საკუთარი თავი.

რაც შეეხება ,,ეფესბეს” აგენტობას – აქ საინტერესო რა არის, მტკიცებულებები არ იყო წარმოდგენილი. მე მართლა მაინტერესებს, რამე მტკიცებულება იქნა თუ არა წარმოდგენილი მას შემდეგ, რაც ეს ბრალი გაჟღერდა. დღემდე ჩვენ საზოგადოებას მტკიცებულებები არ უნახავს“, – განაცხადა ირაკლი კობახიძემ.

ავტორი
ნინი ხიჯაკაძე