დღეს, საპროტესტო მსვლელობა გაიმართა ჭორვილაში, რასაც ადგილობრივი მოსახლეობის მხრიდან დაპირისპირება მოჰყვა. თემასთან დაკავშირებით შეფასებები გააკეთა თბილისის საკრებულოს ფრაქცია ,,ერთიანი ნაციონალური მოძრაობის“ თავმჯდომარის მოადგილემ, მიხეილ სააკაშვილის საზოგადოებრივი ოფისის ხელმძღვანელმა, სოფო ჯაფარიძემ:
,,ჩვენ დღეს ,,ქართული ოცნების”, მშიშარა რუსი ოლიგარქისა და მისი მშიშარა პოლიტიკური ინსტრუმენტების სახე დავინახეთ, კიდევ ერთხელ. დავინახეთ და დავრწმუნდით, რომ ,,ქართული ოცნების” სიმბოლოა კვერხი და ქვა. დიახ, მშვიდობით ჩამოსულ მოქალაქეებს ასე მოგვექცნენ და ჟურნალისტებს, რომლებსაც ხელს უშლიდნენ, რომ თავიანთი საქმე გაეკეთებინათ.
პირობას გაძლევთ, აუცილებლად დასრულდება აი, ეს ყველაფერი ჩვენს ქვეყანაში. დღეს, ბევრს გაუჩნდა კითხვა, რომ რატომ ჭორვილაში?! იმიტომ, რომ ეს არის რუსი ოლიგარქის მშობლიური სოფელი; რუსი ოლიგარქის, რომელმაც გადაწყვიტა, რომ ქართველები ჩაანაცვლოს რუსებით, ქართველები და საქართველო გაარუსოს, რომელიც უკვე დეკლარირებულად რუსეთის გვერდით გვაყენებს; რუსი ოლიგარქი, რომელსაც ტყვეობაში ჰყავს ქვეყნის მე-3 პრეზიდენტი, რომელმაც შექმნა სახელმწიფო და რუსი ოლიგარქი, რომელიც ყოველდღიურად ჩვენ ქვეყანას ანგრევს“, – განაცხადა სოფო ჯაფარიძე.
ავტორი
ნინი ხიჯაკაძე
